Moska thuhet se po planifikon të shkurtojë praninë diplomatike të Polonisë brenda Rusisë, në përgjigje të një veprimi të ngjashëm nga Varshava.
Sipas mediave të huaja, Ministri i Jashtëm i Polonisë, Radoslaw Sikorski, tha se do të mbyllte konsullatën e fundit ruse në territorin e saj, në Gdansk, në veri të vendit.
Dy konsullata të tjera, në Krakov dhe Poznan, ishin mbyllur vitet e fundit, duke lënë vetëm ambasadën ruse në Varshavë, shkruan A2 CNN.
Sikorski tha se kjo ishte në përgjigje të sulmit në hekurudhën e Polonisë fundjavën e kaluar, për të cilin fajëson Rusinë, por shtoi se kjo nuk përbënte "përgjigjen tonë të plotë".
I pyetur në lidhje me komentet e Sikorskit, zëdhënësi i Kremlinit, Dmitry Peskov, tha se “marrëdhëniet e Rusisë me Poloninë janë përkeqësuar plotësisht”.
Agjencia shtetërore ruse e lajmeve RIA Novosti citon Maria Zakharova, një zëdhënëse e ministrisë së jashtme, e cila ka thënë se Moska tani planifikon të “zvogëlojë praninë diplomatike dhe konsullore të Polonisë” atje. (A2 Televizion)
A2 CNN Livestream
MUND TE LEXONI GJITHASHTU
