Të paktën 37,372 palestinezë raportohet të jenë vrarë dhe 85,452 kanë mbetur të plagosur për shkak të sulmeve të Izraelit në Gaza që nga 7 tetori. Këto janë të dhënat e fundit të bëra publike nga ministria e Shëndetësisë në Gaza, e cila drejtohet nga Hamasi.
The Guardian raporton se gazetarët e saj nuk kanë mundur që t’i verifikojnë shifrat në terren. Ndërkohë, raportohet gjithashtu se 17 palestinezë kanë humbur jetën pas sulmit të dyfishtë në kampin e refugjatëve Nuseirat.
Teksa raportonte nga Gaza, gazetari i Al Jazeera-s, Hani Mahmoud u shpreh: “Gaza qendrore kaloi një tjetër natë të përgjakshme.”
Sipas tij, nga sulmi i parë mbetën të vrarë 10 njerëz, duke përfshirë gra dhe fëmijë. Pesë prej tyre ishin nga e njëjta familje. Një orë më pas, një sulm i dytë targetoi shtëpinë e një familjeje tjetër. Viktima mbetën prindërit, fëmijët dhe gjyshërit e tyre.
Al Jazeera e ka të ndaluar nga qeveria e Benjamin Netanyahu-t që të operojë në Izrael. (A2 Televizion)
A2 CNN Livestream
MUND TE LEXONI GJITHASHTU
