Ushtria izraelite njoftoi se Irani ka lëshuar raketa drejt territorit të Izraelit, në kundërpërgjigje të sulmeve të ndërmarra më herët nga Izraeli dhe Shtetet e Bashkuara.
Sipas deklaratës zyrtare të IDF, sirenat e alarmit janë aktivizuar në disa zona të vendit pasi u identifikuan raketa të lëshuara nga Irani drejt Izraelit. “Forcat Ajrore Izraelite po veprojnë për të interceptuar dhe goditur kërcënimet aty ku është e nevojshme për t’i neutralizuar ato,” thuhet në njoftim, shkruan A2 CNN.
Ushtria izraelite theksoi se mbrojtja ajrore “nuk është hermetike”, duke u bërë thirrje qytetarëve që të respektojnë me përpikëri udhëzimet e Komandës së Frontit të Brendshëm.
Ndërkohë, shpërthime të fuqishme janë raportuar në disa qytete iraniane, përfshirë Teheranin, Isfahanin, Qomin, Karajn dhe Kermanshahun. Pamjet e publikuara në media tregojnë re të dendura tymi mbi kryeqytetin iranian, ndërsa banorët janë parë duke kërkuar strehim.
Kryeministri izraelit Benjamin Netanyahu deklaroi se operacioni i përbashkët me SHBA-në synon “eliminimin e kërcënimit ekzistencial” nga regjimi iranian. Ai falënderoi presidentin amerikan Donald Trump për “udhëheqjen historike” dhe theksoi se Irani nuk duhet të lejohet të pajiset me armë bërthamore. (A2 Televizion)
A2 CNN Livestream
MUND TE LEXONI GJITHASHTU
