Presidenti Donald Trump thotë se SHBA-të duhet të “zotërojnë” Groenlandën për të parandaluar Rusinë dhe Kinën që ta marrin atë. “Vendet duhet të kenë pronësi dhe ju mbroni pronësinë, ju nuk mbroni kontratat e qirasë. Dhe ne do të duhet të mbrojmë Groenlandën”, u tha Trump gazetarëve, përcjell A2 CNN. Do ta bëjmë “me të mirë, ose me të keq”, shtoi ai.
Shtëpia e Bardhë tha së fundmi se administrata po shqyrton blerjen e territorit gjysmë-autonom të Danimarkës, një anëtare tjetër e NATO-s, por nuk do ta përjashtonte mundësinë e aneksimit të tij me forcë.
Danimarka dhe Groenlanda thonë se territori nuk është në shitje. Danimarka ka thënë se veprimi ushtarak do të shënonte fundin e aleancës mbrojtëse transatlantike. Presidenti amerikan nënvizoi se nuk besonte se do të ishte e nevojshme të urdhërohej një mision për të kapur Presidentin rus Vladimir Putin, kur u pyet nga një gazetar, dhe shprehu besimin se ai mund ta zgjidhte konfliktin në Ukrainë.
Duke folur me gazetarët gjatë një takimi me kompanitë e naftës për të diskutuar për Venezuelën, Trump tha se “gjithmonë ka pasur një marrëdhënie të shkëlqyer” me Putinin dhe shprehu zhgënjim që zgjidhja e luftës në Ukrainë kishte rezultuar më e vështirë nga sa pritej.
Trump argumentoi gjithashtu se Putin nuk ka frikë nga lidershipi europian, por është i frikësuar nga fuqia e SHBA-së nën administratën e tij. (A2 Televizion)
A2 CNN Livestream
MUND TE LEXONI GJITHASHTU
