Papa Leoni vizitoi Xhaminë Blu në Stamboll të shtunën, duke hequr këpucët në shenjë respekti por pa u lutur, në vizitën e tij të parë si lider i Kishës Katolike në një vend adhurimi të besimit mysliman, gjatë vizitës 4-ditore në Turqi. Papa I parë amerikane u përkul pas hyrjes në Xhami dhe u shoqërua në një vizitë brenda kompleksit ku mund të qëndrojnë10 mijë besimtarë, nga imami dhe Myftiu i Stambollit.
Vatikani u duk i habitur që Leo nuk ishte ndalur për t’u lutur gjatë vizitës dhe që ai nuk ishte pritur në xhami nga kreu i organizatës shtetërore fetare të Turqisë, e njohur si Diyanet, ashtu siç ishte planifikuar, shkruan A2 CNN.
Rreth tre orë pas vizitës, Vatikani publikoi një deklaratë për shtyp duke thënë se si lutja ashtu edhe pritja kishin ndodhur, megjithëse nuk kishin ndodhur.
Zyrja e shtypit të Vatikanit tha se më vonë njoftimi ishte dërguar gabimisht. Papa do të qëndrojë në Turqi deri të dielën në vizitën e tij të parë jashtë vendit si kreu i Selisë së Shenjtë, ku do të ndalojë edhe në Liban.
Në një thyerje të traditës nga vizitat e mëparshme papnore, Leoni nuk ndaloi tek Hagjia Sofia, katedrale epokës bizantine dhe një prej vendeve me të rëndësishme të Krishtërimit e kthyer më vonë në xhami.
Të premten Leoni I 14 u prit nga presidenti turk Rexhep Taip Erdogan në pallatin presidencial në Ankara. (A2 Televizion)
A2 CNN Livestream
MUND TE LEXONI GJITHASHTU
