Ministri i Jashtëm rus, Sergei Lavrov, ka reaguar për herë të parë pas përfundimit të Samitit të Uashingtonit me liderët e BE.
Lavrov theksoi se NATO nuk duhet kurrë më të zgjerohet drejt lindjes dhe shtoi se qëllimi i Rusisë nuk është pushtimi i territoreve por mbrojtja e popullit rus, shkruan A2 CNN.
"Dua të theksoj edhe një herë se nuk kemi folur kurrë për pushtimin e thjeshtë të disa territoreve. As Krimea, as Donbasi, as Novorossia si territore nuk kanë qenë kurrë qëllimi ynë. Qëllimi ynë ishte të mbronim njerëzit, popullin rus, i cili ka jetuar në këto toka për shekuj me radhë, i cili i zbuloi këto toka, derdhi gjak për to si në Krime ashtu edhe në Donbas, krijoi qytete - Odessa, Nikolaev, shumë të tjera, si dhe porte, fabrika, uzina. Ukraina është i vetmi vend në botë ku një gjuhë e caktuar është e ndaluar, por kjo "nuk shqetëson askënd".
Një ndalim i plotë i gjuhës ruse në të gjitha sferat duhet të shkaktojë alarm tek ata që mbrojnë parimet e demokracisë. Pa respektuar interesat e sigurisë së Rusisë, pa respektuar të drejtat e rusëve dhe atyre që flasin rusisht në Ukrainë, nuk mund të flitet për ndonjë marrëveshje afatgjatë. Samiti i Alaskës tregoi se administrata amerikane është sinqerisht e interesuar në zgjidhjen e krizës ukrainase, jo për ta përgatitur Ukrainën për konflikt, por për të siguruar që kjo krizë të mos ndodhë më kurrë”, tha Lavrov. (A2 Televizion)
A2 CNN Livestream
MUND TE LEXONI GJITHASHTU
