Të paktën 37 persona janë arrestuar gjatë përplasjeve të dhunshme që shpërthyen para Parlamentit argjentinas, ndërsa Senati po diskuton reformën e punës të promovuar nga qeveria.
Sipas mediave vendase, të paktën katër efektivë të forcave të sigurisë kanë mbetur të plagosur gjatë incidenteve. Në protestën e thirrur nga sindikatat dhe organizata sociale morën pjesë mijëra qytetarë.
Një pjesë e protestuesve hodhën gurë, fishekzjarre dhe koktej molotovi drejt kordonit të sigurisë, duke detyruar policinë të ndërhyjë me autobote uji dhe gaz lotsjellës për të shpërndarë grupet më të dhunshme.
Qeveria i dënoi incidentet, duke i cilësuar si “dhunë e organizuar”, ndërsa presidenti Javier Milei theksoi se reforma do të ecë përpara pavarësisht protestave. Ekzekutivi e mbron nismën si një mjet për të “modernizuar” tregun e punës, për të ulur konfliktet gjyqësore dhe për të nxitur punësimin formal.
Nga ana tjetër, opozita e akuzon reformën se rrit pasigurinë në punë dhe cenon të drejtat e punëtorëve. Nëse miratohet nga Senati, projektligji do të kalojë për shqyrtim në Dhomën e Deputetëve.
(A2 Televizion)
A2 CNN Livestream
MUND TE LEXONI GJITHASHTU
