Rreze paqeje po ndriçojnë mbi Lindjen e Mesme këtë të shtunë. Hamasi thotë se u ka dhënë një “përgjigje pozitive” ndërmjetësve mbi propozimin e fundit për një armëpushim të ri në Gaza dhe marrëveshje për lirimin e pengjeve të paraqitur nga SHBA-të.
Grupi i armatosur palestinez tha në një deklaratë se ishte “seriozisht i gatshëm të hynte menjëherë në një raund negociatash”, por nuk ka konfirmuar nëse do t'i pranojë kushtet e propozimit, shkruan A2 CNN.
Një zyrtar i lartë palestinez i njohur me bisedimet i tha BBC-së se Hamasi e pranoi kuadrin e përgjithshëm, por kishte kërkuar disa amendamente, përfshirë një garanci të SHBA-së se armiqësitë nuk do të rifillojnë nëse bisedimet për t'i dhënë fund luftës 20-mujore dështojnë.
Presidenti Donald Trump, tha të premten se mund të ketë një marrëveshje për një armëpushim në Gaza deri javën e ardhshme. Trump shtoi se ishte mirë që Hamasi i ishte përgjigjur “me një frymë pozitive” një propozimi për armëpushim në Gaza të ndërmjetësuar nga SHBA-të.
Të martën, Trump tha se Izraeli kishte pranuar “kushtet e nevojshme” për një armëpushim 60-ditor, gjatë të cilit palët do të punonin për t'i dhënë fund luftës. Ai gjithashtu i kërkoi Hamasit të pranonte atë që e përshkroi si “propozimin përfundimtar”, duke e paralajmëruar grupin se situate “nuk do të përmirësohet - vetëm do të përkeqësohet”.
Plani besohet se përfshin lirimin gradual të 10 pengjeve izraelite nga Hamasi dhe trupat e 18 pengjeve të tjera në këmbim të të burgosurve palestinezë që mbahen në burgjet izraelite. Pesëdhjetë pengje mbahen ende në Gaza, të paktën 20 prej të cilëve besohet se janë gjallë.
Në propozim thuhet gjithashtu se sasi të mjaftueshme ndihme humanitare do të hynin menjëherë në Gaza me përfshirjen e OKB-së dhe Komitetit Ndërkombëtar të Kryqit të Kuq. Një tjetër amendament kyç i kërkuar nga Hamasi ishte në lidhje me tërheqjen e trupave izraelite, sipas zyrtarit palestinez.
Propozimi i SHBA-së besohet se përfshin tërheqje graduale nga pjesë të Gazës veriore dhe jugore. Por zyrtari tha se Hamasi po këmbëngulte që trupat të ktheheshin në pozicionet që mbanin para se armëpushimi i fundit të rrëzohej në mars, kur Izraeli rifilloi ofensivën e tij kundër grupit.
(A2 Televizion)
A2 CNN Livestream
MUND TE LEXONI GJITHASHTU
