Presidentët rusë dhe kinezë, Vladimir Putin dhe Xi Jinping, zhvilluan një bisedë telefonike të enjten dhe dënuan Izraelin për sulmin e tij ndaj Iranit, duke rënë dakord se është e nevojshme një ulje e përshkallëzimit të konfliktit.
Kremlini njoftoi se të dy politikanët "dënojnë fuqimisht veprimet izraelite që shkelin Kartën e OKB-së dhe normat e tjera të së drejtës ndërkombëtare".
Këshilltari i Putinit, Yuri Ushakov u tha gazetarëve se "si Moska ashtu edhe Pekini janë thellësisht të bindur se nuk ka zgjidhje ushtarake për situatën aktuale dhe çështjet që lidhen me programin bërthamor iranian”.
“Kjo zgjidhje duhet të arrihet ekskluzivisht me mjete politike dhe diplomatike", theksoi Ushakov.
Rusia ka paralajmëruar për një katastrofë nëse konflikti izraelito-iranian, i cili është tani në ditën e tij të shtatë, përshkallëzohet më tej dhe i bëri thirrje SHBA-së të mos i bashkohet fushatës së bombardimeve të Izraelit.
Ditët e fundit, Putin ka qenë në kontakt me Presidentin e SHBA-së Donald Trump , kryeministrin izraelit Benjamin Netanyahu, si dhe presidentin iranian Masoud Pezeshkian, dhe ka deklaruar vazhdimisht se Rusia është e gatshme të ndërmjetësojë midis palëve ndërluftuese, por deri më tani, asnjë nga vendet nuk e ka pranuar ofertën e Rusisë. (A2 Televizion)
A2 CNN Livestream
MUND TE LEXONI GJITHASHTU
