Presidenti i Ukrainës, Volodymyr Zelensky, ka ndarë në rrjetet sociale videon e një droni që godet një burrë në jug të Ukrainës, duke thënë se tregon një shembull të një sulmi "safari rus kundër civilëve".
Videoja tregon dronin duke ndjekur një shitës ambulant në një rrugë qyteti në rajonin e Khersonit. Burri përpiqet të largohet nga droni që qëndron pezull sipër tij, duke u fshehur pas një furgoni të bardhë ndërsa ndiqet.
Përfundimisht, droni bie mbi të përpara se të shpërthejë në momentin e përplasjes, duke e lënë të plagosur.
I quajtur ndryshe si "safari njerëzor", vendosja e dronëve të telekomanduar kundër civilëve është përdorur shpesh nga rusët për të tmerruar banorët e zonave të vijës së frontit në Ukrainë.
“Bota duhet ta shohë këtë”, shkroi Zelensky në Telegram. “Duhet të shohë çdo provë që Rusia është çmendur dhe çdo fakt që ushtarët rusë po shijojnë vrasjet dhe torturimin e njerëzve.”
Videoja tregonte një “krim barbar lufte”, tha Ministri i Jashtëm i Ukrainës, Andrii Sybiha.
Safarit ishin një "strategji e qëllimshme dhe sistematike ruse", tha Sybiha. "Sadisti që drejton këtë dron e di shumë mirë se po targeton një civil."
Guvernatori rajonal i Khersonit postoi më vonë një video ku tregohej burri, i identifikuar si Yuriy, një shitës perimesh ambulante 52-vjeçar, duke folur nga një shtrat spitali pas sulmit me dron. (A2 Televizion)
A2 CNN Livestream
MUND TE LEXONI GJITHASHTU
