Zëdhënësi i Ministrisë së Jashtme të Katarit, tha se po vazhdojnë përpjekjet për të kërkuar një zgjidhje diplomatike për konfliktin SHBA-Iran.
Uashingtoni thotë se memorandumi i qershorit i kërkonte Iranit të rihapte rrugën ujore strategjike ne Hormuz, ndërsa Teherani thotë se teksti ruante në mënyrë të qartë autoritetin e tij mbi trafikun detar.
"Mund të konfirmojmë se përpjekjet janë ende duke vazhduar me të gjitha palët. Ne po presim një zgjidhje diplomatike ndërsa po flasim tani. Siç e dini, ka përpjekje aktuale në terren që janë në faza shumë progresive dhe ne po punojmë me të gjitha palët për ta çuar këtë përpjekje deri në fund. Pra, mund të konfirmoj se përpjekjet janë duke vazhduar ndërsa flasim."
"Deri tani, siç thamë, nuk ka asnjë marrëveshje dhe gjërat mund të ndryshojnë në orët ose ditët në vijim, nuk e dimë. Por deri tani ne ende po përpiqemi të arrijmë një marrëveshje. Lidhur me natyrën e negociatave aktuale, ajo që ka rëndësi për ne tani është kthimi në negociata. Për t'u kthyer në negociata, disa gjëra duhet të ndodhin në terren. E para dhe më e rëndësishmja nga këto është, sigurisht, kthimi në një armëpushim dhe sigurimi që anijet të mos sulmohen dhe liria e lundrimit në Ngushticën e Hormuzit."
"Sigurisht, tani për tani, nuk kemi asgjë të planifikuar kur bëhet fjalë për bisedime të drejtpërdrejta. Ne po bëjmë punën tonë si ndërmjetës, së bashku me Omanin dhe ndërmjetësuesit e tjerë, si dhe me Pakistanin dhe të gjithë në rajon, në shkëmbimin e ideve midis palëve. Por shpresojmë që nëse mund të rifillojmë bisedimet së shpejti, do të jemi në gjendje të ecim përpara drejt një marrëveshjeje të madhe që do të na ndihmonte të ktheheshim në një situatë paqeje në rajonin tonë." (A2 Televizion)
A2 CNN Livestream
MUND TE LEXONI GJITHASHTU
