Një shpërthim i fuqishëm ka tronditur rajonin e Tambovit në Rusi, pasi një tren me karburant doli nga shinat dhe shpërtheu në flakë, duke krijuar një re gjigante në formë “kërpudhe” që u ngrit mbi 300 metra në qiell. Pamjet dramatike tregojnë një kolonë të zezë tymi dhe një top zjarri që digjej për më shumë se 15 sekonda, ndërsa rreth 30 vagonë raportohet se janë dëmtuar, përcjell A2 CNN.
Ngjarja ndodhi në stacionin Kochetovka-2, një nyje e rëndësishme hekurudhore që përdoret për transportin e karburantit, pajisjeve dhe furnizimeve të tjera strategjike, disa prej të cilave besohet se shkojnë drejt jugut të Rusisë për të mbështetur përpjekjet e luftës. Autoritetet ruse thanë se është ngritur një qendër operacionale për të menaxhuar situatën dhe për të vlerësuar dëmet në infrastrukturë.
Si pasojë e shpërthimit, të paktën tetë trena ndërqytetës u vonuan, përfshirë linjat mes Moskës dhe Krimesë. Shkaku i daljes nga shinat mbetet ende nën hetim, ndërsa ka dyshime për një akt sabotimi. Nuk raportohet për viktima, megjithëse thuhet se drejtuesi i trenit mund të jetë lënduar lehtë gjatë përpjekjeve për të frenuar zjarrin. (A2 Televizion)
A2 CNN Livestream
MUND TE LEXONI GJITHASHTU
