NATO-s do t'i duhen më shumë raketa me rreze të gjatë veprimi në arsenalin e saj për të penguar Rusinë të sulmojë Evropën. Ky është alarmi që kanë ngritur ushtarakët amerikanë, sipas burimeve të Agjencisë Ndërkombëtare të lajmeve Reuters.
Kjo për shkak se Moska pritet të rrisë prodhimin e armëve me rreze të gjatë veprimi, shkruan A2.
Përdorimi efektiv i raketave me rreze të gjatë veprimi nga Rusia në luftën e saj në Ukrainë i ka bindur zyrtarët ushtarakë perëndimorë për rëndësinë e tyre për shkatërrimin e posteve komanduese, qendrave të transportit dhe lançuesve të raketave shumë larg vijave të armikut.
"Ushtria ruse është më e madhe sot sesa ishte kur ata filluan luftën në Ukrainë", tha gjeneralmajori John Rafferty në një intervistë në një bazë ushtarake amerikane në Wiesbaden të Gjermanisë.
"Dhe ne e dimë se ata do të vazhdojnë të investojnë në raketa dhe raketa me rreze të gjatë veprimi dhe mbrojtje ajrore të sofistikuara. Pra, më shumë aftësi të aleancës janë me të vërtetë, me të vërtetë të rëndësishme", shtoi ai.
Lufta në Ukrainë ka nënvizuar varësinë e madhe të Evropës nga Shtetet e Bashkuara për të siguruar raketa me rreze të gjatë veprimi, me Kievin që kërkon të forcojë mbrojtjen e saj ajrore.
Rafferty përfundoi së fundmi një detyrë si komandant i Komandës së 56-të të Artilerisë së Ushtrisë Amerikane në qytetin gjerman Mainz-Kastel, i cili po përgatitet për vendosjen e përkohshme të raketave me rreze të gjatë veprimi amerikane në tokën evropiane nga viti 2026.
Në një takim me Sekretarin e Mbrojtjes të SHBA-së, Pete Hegseth të hënën, Ministri gjerman i Mbrojtjes, Boris Pistorius, pritet të përpiqet të sqarojë nëse vendosje të tilla, të dakordësuara midis Berlinit dhe Uashingtonit kur Joe Biden ishte President, do të vazhdojnë tani që Donald Trump është rikthyer në Shtëpinë e Bardhë. Marrëveshja parashikonte vendosjen e sistemeve duke përfshirë raketat Tomahawk me një rreze veprimi prej 1,800 km dhe armën hipersonike në zhvillim Dark Eagle me një rreze veprimi prej rreth 3,000 km.
Rusia ka kritikuar vendosjen e planifikuar të raketave me rreze të gjatë veprimi të SHBA-së në Gjermani si një kërcënim serioz për sigurinë e saj kombëtare. Ajo ka hedhur poshtë shqetësimet e NATO-s se mund të sulmojë një anëtar të aleancës dhe ka përmendur shqetësimet në lidhje me zgjerimin e NATO-s si një nga arsyet e saj për pushtimin e Ukrainës në vitin 2022. (A2 Televizion)
A2 CNN Livestream
MUND TE LEXONI GJITHASHTU
