Paniku shpërtheu në Times Square herët mëngjesin e të shtunës kur tre persona, përfshirë një grua të re dhe dy burra, u qëlluan me armë zjarri në një nga zonat më të ngarkuara të New York City-t.
Një i dyshuar është arrestuar, ndërsa të plagosurit janë në spital jashtë rrezikut.
Incidenti ndodhi rreth orës 1:20 të mëngjesit, midis West 44th Street dhe 7th Avenue në Manhattan, me policinë dhe ekipet e shpëtimit që mbërritën menjëherë në vendngjarje.
Sipas autoriteteve, të plagosurit janë një vajzë 18-vjeçare, një djalë 19-vjeçar dhe një burrë 65-vjeçar, të cilët u dërguan në Spitalin Bellevue, ku janë në gjendje të qëndrueshme.
Burime policore raportuan se autori i dyshuar është tashmë në paraburgim, pa dhënë detaje të mëtejshme rreth motiveve të sulmit.
Një dëshmitar që ishte pranë zonës raportoi në mediat sociale se makina që ndodhej direkt përpara tij ishte "qëlluar", me plumba që shpuan xhamat e automjetit.
Policia po vazhdon hetimet për të përcaktuar rrethanat dhe shkaqet e incidentit, ndërsa Times Square mbetet nën prani të shtuar të policisë. (A2 Televizion)
A2 CNN Livestream
MUND TE LEXONI GJITHASHTU
