Dy avionë luftarakë rusë kanë interceptuar në mënyrë të përsëritur dhe të rrezikshme një avion spiun të paarmatosur të Forcave Ajrore Mbretërore britanike (RAF) mbi Detin e Zi, muajin e kaluar, sipas Ministrisë së Mbrojtjes së Mbretërisë së Bashkuar.
Sipas deklaratës zyrtare, një avion rus Su-35 iu afrua avionit të mbikëqyrjes “Rivet Joint” në një distancë aq të afërt sa aktivizoi sistemet e emergjencës dhe çaktivizoi pilotin automatik. Ndërkohë, një avion tjetër luftarak Su-27 kreu gjashtë kalime përpara avionit britanik, duke iu afruar deri në rreth gjashtë metra nga pjesa e përparme, shkruan A2CNN.
Sekretari britanik i Mbrojtjes, John Healey, e cilësoi incidentin si “sjellje të rrezikshme dhe të papranueshme”, duke theksuar se veprime të tilla rrisin rrezikun e aksidenteve dhe përshkallëzimit të tensioneve. Ai vlerësoi gjithashtu profesionalizmin e ekuipazhit britanik gjatë fluturimit.
Ministria e Mbrojtjes britanike bëri të ditur se avioni “Rivet Joint” ishte në një mision rutinë ndërkombëtar në kuadër të mbrojtjes së krahut lindor të NATO-s, ndërsa i bëri thirrje ambasadës ruse që të dënojë incidentin. (A2 Televizion)
A2 CNN Livestream
MUND TE LEXONI GJITHASHTU
