Një aksident i rëndë rrugor ka tronditur Meksikën, ku të paktën 11 persona kanë humbur jetën dhe 17 të tjerë janë plagosur si pasojë e përmbysjes së një autobusi turistik. Ngjarja tragjike ndodhi në shtetin verior të Nuevo Leon, teksa autobusi ishte duke udhëtuar nga qyteti Monterrey drejt destinacionit bregdetar Tampico.
Sipas raportimeve nga mediat ndërkombëtare dhe burime zyrtare lokale, aksidenti ndodhi në orët e para të mëngjesit. Hetimet paraprake sugjerojnë se shkaku kryesor i aksidentit mund të ketë qenë lodhja apo përgjumja e shoferit, i cili dyshohet se ka humbur kontrollin e mjetit duke goditur një barrierë mbrojtëse në rrugë. Si pasojë, autobusi është përmbysur duke shkaktuar viktima dhe dëme të mëdha.
Ekipet e shpëtimit mbërritën menjëherë në vendngjarje dhe punuan me orë të tëra për të nxjerrë të mbijetuarit dhe për të transportuar të plagosurit në spitalet më të afërta. Gjendja e disa prej të lënduarve raportohet të jetë e rëndë.
Autoritetet meksikane kanë nisur hetimet për të sqaruar rrethanat e plota të aksidentit dhe për të përcaktuar përgjegjësitë. (A2 Televizion)
A2 CNN Livestream
MUND TE LEXONI GJITHASHTU
