Udhëheqësi suprem i Iranit publikon mesazh për Novruz, thirrje për “ekonomi rezistence”

Udhëheqësi suprem i Iranit, Mojtaba Khamenei, ka publikuar një mesazh me rastin e festës së Novruzit, raportojnë mediat shtetërore iraniane.

Në mesazhin e tij, Khamenei thekson se viti i ri duhet të karakterizohet nga një “ekonomi rezistence”, duke i bërë thirrje institucioneve dhe qytetarëve që të përballen me sfidat ekonomike dhe presionet ndërkombëtare përmes vetëqëndrueshmërisë dhe mobilizimit të burimeve të brendshme.

Ai gjithashtu nënvizoi rëndësinë e unitetit kombëtar dhe sigurisë, duke deklaruar se festimet e Novruzit duhet të zhvillohen “nën hijen e unitetit dhe sigurisë kombëtare”, në një moment të ndjeshëm për vendin.

Mesazhi vjen në një kohë tensioni të lartë në rajon dhe përbën një nga deklaratat e para publike të liderit të ri iranian, i cili ka marrë detyrën pas zhvillimeve të fundit dramatike në vend. (A2 Televizion)