Hezbollahu njoftoi në deklarata të ndryshme se ka ndërmarrë sulme ndaj disa objektivave izraelite në jug të Libanit këtë pasdite.
Sipas raportimeve, ai ka shënjestruar ushtarë izraelitë në qytetin Rashaf me një dron sulmues rreth orës 16:30 (13:30 GMT), ndërsa në orën 18:00 (15:00 GMT) goditi me një breshëri raketash një pozicion të “sapokrijuar” të quajtur al-Balat në jug të Libanit.
Pesëmbëdhjetë minuta më vonë, ai deklaroi se ka goditur mjete ushtarake izraelite në zonën Wadi Jmal, mes qyteteve Marjayoun dhe Hula, duke përdorur predha artilerie, përcjell A2CNN.
Një sulm ajror izraelit në qytetin Deir Kifa në jug të Libanit ka vrarë dy persona dhe ka plagosur një tjetër, sipas Agjencisë Kombëtare të Lajmeve të Libanit.
Ky sulm vjen pas një vale sulmesh të mëparshme izraelite në jug të vendit, përfshirë goditje që plagosën një person dhe shkaktuan dëme të mëdha në një lagje të tërë në zonën Harouf të Nabatieh. (A2 Televizion)
A2 CNN Livestream
MUND TE LEXONI GJITHASHTU
