Presidenti ukrainas Volodymyr Zelensky ka thënë se 20 pikat që formojnë propozimin e rishikuar të paqes të Ukrainës përbëjnë një "dokument themelor".
Sipas mediave të huaja, kjo deklaratë vjen pas raportimeve nga Bloomberg se Ukraina tani e ka dërguar zyrtarisht planin përsëri në Uashington.
Projekt-propozimi origjinal i SHBA-së, i cili u publikua gjerësisht në media muajin e kaluar, kishte 28 pika dhe u pa si favorizues i Rusisë.
Ukraina që atëherë ka kërkuar të ndryshojë disa klauzola kyçe, të tilla si çështjet territoriale dhe garancitë e sigurisë, pas bisedimeve me negociatorët amerikanë dhe evropianë.
Zelensky ka thënë se propozimi i ri tani përfshin 20 pika, pasi u hoqën disa "pika të dukshme anti-ukrainase".
Në fjalimin e tij të mbrëmjes, Presidenti i Ukrainës tha se vendi i tij po harton gjithashtu dy dokumente shtesë: i pari mbi garancitë e sigurisë së SHBA-së dhe i dyti mbi ekonominë dhe rindërtimin. (A2 Televizion)
A2 CNN Livestream
MUND TE LEXONI GJITHASHTU
