Ministra e Jashtme e Kosovës ka konfirmuar se personi që u vra nga policia e Serbisë në Loznicë, pasi i mori jetën me armë zjarri policit kufitar Nikolla Krsmanoviç, është i riu Faton Hajrizi.
Sipas ministrsë shenjat e gishtave të dërguara nga ana e autoriteteve serbe pranë Drejtorisë së Bashkëpunimit Ndërkombëtar Policor korrespondojnë me ato të Hajrizit.
“Lidhur me rastin e pretenduar nga ana e Serbisë të vrasjes së qytetarit të Kosovës në Serbi, informojmë opinionin publik që sapo jemi njoftuar nga Drejtoria e Bashkëpunimit Ndërkombëtar Policor - ILECU e Policisë së Kosovës se autoritetet serbe, më datë 22/07/2024, kanë dërguar shenjat e gishtërinjve të një personi dhe të njëjtat shenja së bashku me shenjat e gishtërinjve të qytetarit të Kosovës, Faton Hajrizi, janë përcjellë në Agjencinë e Kosovës për Forenzikë, ku pas krahasimit nga AKF, ILECU ka pranuar përgjigje se këto gjurmë i përkasin qytetarit të raportuar si i vrarë, Faton Hajrizi.”
Më tej ministria kërkon nga qytetarët që të marrin me rezervë lajmet që vijnë nga Serbia në lidhje me ngjarjen në fjalë. (A2 Televizion)
A2 CNN Livestream
MUND TE LEXONI GJITHASHTU
