Një ngjarje e rëndë ka tronditur mesditën e së premtes Prishtinën, ku një 34-vjeçar ka plagosur me thikë të dashurën e tij dhe më pas ka kryer vetëvrasje.
Zëdhënësja e Policisë së Kosovës, Flora Ahmeti, ka konfirmuar se rreth orës 15:00 kanë marrë informacionin për dy persona të lënduar dhe menjëherë njësitë policore së bashku me ekipin e emergjencës kanë dalë në vendin e ngjarjes për të hetuar rastin. Në vendngjarje u konfirmua se 34 vjeçari, si pasojë e plagëve të marra kishte ndërruar jetë.
"Mbështetur në të dhënat fillestare, dyshohet se personat kanë pësuar lëndime nga një mjet i mprehtë, konkretisht thikë. Hetuesit policor po ndërmarrin të gjitha veprimet e nevojshme për zbardhjen e plotë të kësaj ngjarjeje tragjike", deklaroi zëdhënësja Ahmeti.
Motivet e ngjarjes mbeten ende të paqarta, ndërsa Policia e Kosovës ka nisur hetimet për të zbuluar rrethanat e sakta dhe për të sqaruar dinamikën e plotë të kësaj tragjedie familjare. (A2 Televizion)
A2 CNN Livestream
MUND TE LEXONI GJITHASHTU
