Kryeministri i Kosovës, Albin Kurti, njoftoi se është vendosur gurthemeli për ndërtimin e një nënstacioni policor në fshatin Izvor të Zveçanit, në veri të Kosovës.
“Në objektin e ri, që presim të ndërtohet shumë shpejt, do të shërbejë Policia Kufitare”, shkroi ai në Facebook.
Në çeljen e punimeve për ndërtimin e këtij stacioni morën pjesë ministri i Punëve të Brendshme të Kosovës, Xhelal Sveçla, dhe drejtori i Përgjithshëm i Policisë së Kosovës, Gazmend Hoxha.
Sipas një njoftimi të qeverisë, projekti kap vlerën e rreth 700 mijë eurove.
Drejtori i të ashtuquajturës Zyra për Kosovën dhe Metohinë në Serbi, Petar Petkoviç, reagoi duke thënë se vendosja e gurthemelit në fshatin e komunës së Zveçanit është në vazhdimësi të veprimeve ilegale, militarizimit dhe pushtimit të dhushëm të veriut.
Ai e ka vënë theksin tek fakti së nënstacioni është ngritur 2 km larg kufirit. Sipas Petkoviçit, e vetmja gjë që Kurti po hap e po ndërton në veri janë baza e stacione policore e qendra pushtuese. (A2 Televizion)
A2 CNN Livestream
MUND TE LEXONI GJITHASHTU
