Kryeministri Edi Rama ka publikuar një video në Facebook, me pamje nga rruga e Arbrit. Ai do të zhvillojë sot në Dibër takime elektorale dhe është duke udhëtuar përmes Rrugës së Arbrit.
Ai shkruan se edhe pak ngelen nga koha kur kjo ëndërr 100-vjeçare të bëhet realitet, ndërkohë që në video shihet tuneli i këtij aksi rrugor që ende është në ndërtim e sipër.
“Për Dibër nga Rruga e Arbrit. Edhe pak dhe ëndrra 100-vjeçare është realitet”, shkruan Rama.
Pak ditë më parë ministrja e Infrastrukturës dhe Energjisë, Belinda Balluku, e ftuar në Absolut 4, theksoi se për rrugën e Arbrit do të punohet edhe 18 muajt e ardhshëm.
Ministrja u shpreh se i vetmi problem në punime është vetëm tuneli i Murrizit, pasi është hasur në ujë, ndërsa pjesa tjetër është e aksesueshme edhe pse nuk është e hapur zyrtarisht. (A2 Televizion)
A2 CNN Livestream
MUND TE LEXONI GJITHASHTU
