Kryeministri Edi Rama ka reaguar pas lëndimit të ushtarëve të KFOR-it në veri të Kosovës. Në një postim në Twitter kreu i qeverisë thekson se përgjegjësia për plagosjen e tyre është e dhunuesve.
“Lëndimi i ushtarëve të KFOR-it ngarkon me përgjegjësi të drejtpërdrejtë dhunuesit e tyre të verbër dhe fatkeqësisht lëndon Kosovën në sytë e aleatëve e miqve të saj të pazëvendësueshëm! Sa më shumë zgjatet ky konflikt i rrezikshëm dhe i panevojshëm, aq më shumë lëndohet Kosova!
Nga ky udhëkryq ku konflikti kthehet e rikthehet çdo vit si produkt i të shkuarës, me Serbinë që ekspozon trupat në kufirin ku fuqia e saj është e barabartë me zero dhe Kosovën që ekspozon ngurrimin e saj për të finalizuar dialogun, dilet vetëm me dialog e me aleatë të fuqishëm!”
Ai theksoi Kosova po lëndohet ndërkombëtarisht dhe bëri thirrje për të dëgjuar aleatët dhe jo për t’u futur në shtegun e rrezikshëm.
Thirrja ime për t’i dëgjuar me vëmendje ata aleatë e për të mos u futur më thellë në shtegun jo vetëm të rrezikshëm, po edhe të kotë ku Kosova po lëndohet ndërkombëtarisht bashkë me ushtarët e KFOR-it që po lëndohen fizikisht, s’është thirrje ndërkombëtare po nevojë kombëtare! (A2 Televizion)
A2 CNN Livestream
MUND TE LEXONI GJITHASHTU
