Rebelët sulmojnë bazën ushtarake, vriten 9 ushtarë

Të paktën nëntë ushtarë humbën jetën si pasojë e një sulmi të armatosur në një bazë ushtarake në provincën Norte de Santander të Kolumbisë.

Autoritetet akuzojnë rebelët e Ushtrisë Çlirimtare Kombëtare se hodhën predha mortajash në drejtim të bazës vetëm disa ditë të pezullimit të armëpushimit.

Pas këtij sulmi erdhi menjëherë dhe reagimi i presidentit Gustavo Petro, i cili tha se kjo ngjarje tregoi edhe njëherë se autorët janë larg përkushtimit për arritjen e paqes në vend.

Zona ku ndodhi ngjarja njihet si bastion i ELN-së.

Sulmi, më vdekjeprurësi që nga rifillimi i bisedimeve të paqes pas një ndërprerjeje tre-vjeçare, është një tjetër pengesë për synimin e presidentit Petro për të detyruar të gjitha grupet e armatosura të paligjshme të Kolumbisë të dorëzojnë përgjithmonë armët e tyre.

Javën e kaluar, qeveria pezulloi armëpushimin që kishte rënë dakord dhe me kartelin kryesor të trafikut të drogës “Clan del Golfo”. (A2 Televizion)