Komisioni i Posaçëm për Reformën Zgjedhore mblidhet sot në orën 9:30 me rend dite zëvendësimin e grupeve të punës dhe prezantimin e paketës që adreson rekomandimet e OSBE/ODIHR për fushatën dhe financimin e saj, kuotat gjinore në lista, regjistrimin e subjekteve dhe abuzimin e administratës.
Shumica qeverisëse ka njoftuar se e ka gati projektin e saj ku nuk përfshihet pjesa e votës së emigrantëve dhe depolitizimi i sistemit. Mirëpo opozita parlamentare, që është pjesë e komisionit është shprehur që nuk do jetë dakord me asnjë projekt që nuk përfshin të gjitha sa rekomandon OSBE/ODIHR.
Ndërkohë, opozita e bashkuar nuk do të marrë pjesë në punimet e komisionit, por mbledh sot grupin e saj të punës të përbërë nga Ivi Kaso, Oerd Bylykbashi, Gazmend Bardhi, Enkelejd Alibeaj, Kastriot Islami, Çlirim Gjata dhe Arben Ristani, për të përgatitur draftin e saj. (A2 Televizion)
A2 CNN Livestream
MUND TE LEXONI GJITHASHTU
