Ambasadorja amerikane në vendin tonë, Yuri Kim, ka falenderuar Presidentin Ilir Meta dhe kreun e Kuvendit Gramoz Ruçi për rihapjen e shpejtë të procedurës për vendin vakant në Gjykatën Kushtetuese.
“Shpresojmë që juristët t’i përgjigjen kësaj thirrjeje të rëndësishme për t’i shërbyer vendit të tyre. Le të ecim përpara për drejtësinë”, shkroi Kim në Twitter.
Pas vendimit të Këshillit të Emërimeve në Drejtësi për të rrëzuar një nga kandidatët e propozuar nga presidentin Meta, për Gjykatën Kushtetuese, kreu i shtetit vendosi të rihapë procedurën e aplikimit për vakancën e krijuar. Kjo është hera e tretë që presidenti Meta hap procedurën pas rrëzimit të kandidatëve të tij për Gjykatën Kushtetuese në KED, pas verifikimeve. Në njoftimin e Presidencës, theksohet rihapja e menjëhershme e procedurës pas vendimit të KED, për të mos krijuar vonesa në krijimin e Kushtetueses. (A2 Televizion)
A2 CNN Livestream
MUND TE LEXONI GJITHASHTU
