2 muaj nga fundi i një edicioni të pazakontë, rikthehet kompeticioni më i rëndësishëm për klube. Champions League luan sfidat e para në grupe sot, ku nuk mungojnë përplasjet e forta prej fillimit.
Finalistët e sezonit të kaluar, Paris Saint Germain debutojnë në stadiumin e tyre përballë Manchester United.
Tuchel nuk ka në dispozicion një numër të konsiderueshëm lojtarësh për shkak dëmtimi, të tillë si Bernat, Icardi, Marquinhos apo Verratti. Sidoqoftë në Paris treshja e sulmit Mbappe-Neymar-Di Maria janë kërcënimi kryesor i United. “Djajve të kuq” së fundi iu bashkua në stërvitje edhe Edinson Kavani i cili do të jetë i gatshëm për sfiduar ish-skuadrën e tij.
Chelsea dhe Sevilla përballen, për herë të parë, në Champions League. Blutë e Londrës do të provojnë forcat përballë spanjollëve, një skuadre eksperte në kompeticionet ndërkombëtare.
Në sfidat e tjera Juventus do të kërkojë kthesën përballë Dinamos së Kievit, pa Ronaldon, por me Dibalan në pankinë, i cili nuk po kalon një moment të mirë, kohët e fundit. Në fushë do të jetë edhe Lazio e Thomas Strakoshës që do të presë në Olimpiko, gjermanët e Borusia Dortmund. (A2 Televizion)
A2 CNN Livestream
MUND TE LEXONI GJITHASHTU
