Varianti indian i koronavirusit ka rritur ndjeshëm infektimet në Kosovë. 1006 raste të reja u shënuan të enjten, ndërsa 2 persona humbën jetën si pasojë e covid-19. Siç bëjnë të ditur autoritetet , pjesa më e madhe e të infektuarve janë të rinj nga 20 në 29 vjeç.
Paralelisht është rritur edhe numri i të shtruarve në spital, me mbi 180 vetë që raportoheshin si të hospitalizuar deri më 11 gusht. Instituti i Shëndetit Publik tha se 82 pacientë ishin shëruar në 24 orët e fundit, kurse rastet aktive janë mbi 4400.
Kosova vijon programin e vaksinimit në mase, por afërsisht vetëm 183 mijë vetë kanë marrë të dyja dozat. Në total, janë aplikuar gati 540 mijë vaksina. (A2 Televizion)
A2 CNN Livestream
MUND TE LEXONI GJITHASHTU
