Vdekja mbërrin në vendin e lindjes. Një foshnje në Zaporizhzhia nuk e shijoi kurrë jetën në Ukrainë. Një raketë e lëshuar nga ushtria ruse, e cila goditi një maternitet, i mori jetën të porsalindurit.
Mamaja dhe doktori që e sollën në jetë, u shpëtuan dhe u nxorën nga rrënojat. Presidenti ukrainas, Volodymyr Zelensky, akuzoi Rusinë se “po sjell terror dhe vdekje” në vendin e tij.
Kështu, as moti i ftohtë nuk po ndalon luftën, që ka 9 muaj që ka nisur, madje Ukraina thotë se do ky do të jetë dimri më i ashpër që prej luftës së dytë botërore. Sirenat e alarmit u dëgjuan në shumë qytete të Ukrainës nga jugu në lindje e deri në qendër në Kiev, për shkak të breshërisë së sulmeve ajrore dhe bombave të lëshuara nga ushtria ruse.
Autoritetet raportojnë disa shpërthime në kryeqytet dhe u bënë thirrje qytetarëve që të qëndrojnë në vendet e sigurta, ndërsa zona të shumta kanë mbetur pa energji elektrike. Në javët e fundit, Rusia ka shtuar bombardimet duke shënjestruar rrjetin energjetike dhe të ngrohjes në Ukrainë, pasi mori një sërë humbjesh në terren përgjatë luftës.
Raketat ruse goditën dhe rajonin e Mikolaivit në jug, ndërsa në perëndim, zyrtarët e Lvivit këshilluan banorët që të qëndrojnë në vendet e sigurta. E gjithë kjo vjen pasi Parlamenti Europian, miratoi një rezolutë që e përkufizon Rusinë, një shtet sponsor të terrorizmit.
Zyrtarët në Ukrainë, përfshirë presidentin Zelensky e përshëndetën këtë qëndrim të institucionit të bllokut të fuqishëm, dhe e përcaktuan atë si shkak për sulmet e fundit të ushtrisë së Moskës në mbarë vendin. Ndërkohë, në media po raportohet se municionet e NATO-s po pakësohen ndjeshëm dhe për këtë arsye mund të pritet dhe një frenim në furnizimin e Ukrainës me mjete luftuese. (A2 Televizion)
A2 CNN Livestream
MUND TE LEXONI GJITHASHTU
