Policia kufitare britanike sekuestroi 14 kg kokainë të pastër me vlerë rreth 1 milion paund të fshehura në një ngarkesë me maska fytyre në pikën e tunelit të Kanalit.
Kokaina, e ndarë në 15 qese, u gjet brenda kutive plot me maska kirurgjikale, kur një kamion i regjistruar në Poloni u kontrollua nga autoritetet britanike. Një 34 vjeçar u arrestua në kushtet e flagrancës.
“Kapja e kësaj ngarkese me kokainë tregon mënyrat se si rrjetet kriminale po tentojnë të përdorin dhe pandeminë e koronavirusit për të arritur qëllimin e tyre”, deklaroi efektivi i lartë i policisë së Dover, Darren Herbert.
“Kemi nisur tashmë një hetim për të gjetur se kush fshihet pas kësaj ngarkese, por është e qartë që ky grup pësoi një goditje të rëndë. Nëse kjo drogë do të dilte në rrugët e Britanisë së Madhe ajo do të arrinte një vlerë 1 mln paund”, shtoi ai. (A2 Televizion)
A2 CNN Livestream
MUND TE LEXONI GJITHASHTU
