Marrë shkas nga të dhënat alarmante që vijnë nga Kombet e Bashkuara për temperaturat globale, qeveria amerikane synon të zbatojë një plan për reduktimin e pasojave nga i nxehti. Presidenti Joe Biden ka caktuar një fond prej 1 miliardë dollarësh për mbjellje të pemëve.
“Sot po shpall hapa shtesë për të ndihmuar shtetet dhe qytetet të përballen me pasojat e të nxehtit ekstrem. Së pari, i kam kërkuar Sekretares së Punës në detyrë Julie Su të lëshojë një alarm për rrezikun e nxehtësisë. Në të thuhet se punëtorët kanë mbrojtje federale ndaj nxehtësisë. Ne duhet t'i mbrojmë punëtorët nga kushtet e rrezikshme dhe do ta bëjmë. Sekretarja e Punës do të punojë me ekipin e saj për të intensifikuar zbatimin e masave, duke rritur inspektimet në industritë me rrezik të lartë si ndërtimi dhe bujqësia”, tha Biden.
“Shërbimi Pyjor i SHBA do të japë më shumë se një miliardë dollarë grante për të ndihmuar qytetet dhe qytezat të mbjellin pemë që në afat të gjatë do të ndihmojnë në zmbrapsjen e nxehtësisë dhe zgjerimin e aksesit në hapësirat e gjelbra, në mënyrë që familjet të kenë një vend ku të shkojnë për t'u freskuar dhe për të sjellë uljen e temperaturës në qytete. Departamenti i Strehimit dhe Zhvillimit Urban po jep miliarda për komunitetet për t'i bërë ndërtesat më efikase dhe për t'i bërë ato më rezistente ndaj nxehtësisë”, shton Biden.
(A2 Televizion)
A2 CNN Livestream
MUND TE LEXONI GJITHASHTU
