Shkarkimi i Metës dhe pronat, opinionet finale në Komisionin e Venecias

Komisioni i Venecias do të diskutojë dhe miratojë opinionet për çështjen e shkarkimit të presidentit Ilir Meta dhe atë të pronave. Disa ditë më parë, një draft opinion i Venecias konstatoi se presidenti tejkaloi kompetencat me dekretin e tij për të anuluar zgjedhjet e 30 qershorit. Nga ana tjetër, ekspertët e Venecias nuk i vlerësuan këto veprime të Presidentit si shkelje të rëndë kushtetuese, gjë që mund t’i kushtojë atij mandatin presidencial.

Gazetarja e A2, Elona Gjylmi është duke ndjekur nga afër punimet e Komisionit të Venecias, të cilat mund të sjellin zhvillime të reja në politikën shqiptare.

Sipas gazetares Gjylmi, Presidenca është e vendosur që të krijojë amendamente në nenet e draft/opinionit të Venecias të datës 27 shtator që në raportin final të përfshihen dhe mendimet e saj, pasi sipas presidentit Ilir Meta, komisionerët e Venecias kanë qenë të njëanshëm dhe e kanë paracaktuar atë që do të shkruajnë në dokument.

Përpara nisjes në mbledhjes për çështjen e tejkalimit të kompetencave nga ana e presidentit Ilir Meta, ekspertët e Venecias i kanë thirrur në takime veç e veç anëtarët e delegacioneve që përfaqësojnë Presidencën dhe mazhorancën.

Palët do të kenë nga 8 minuta në mbledhje për të parashtruar opinonet e veta dhe më pas çështja iu kalon ekspertëve të komisionit.

(A2 Televizion)