Vijon të shkëlqejë në Eredivizie Armand Broja. Sulmuesi 19-vjeçar i kombëtares kuqezi, realizoi sot golin e avantazhit të Viteshes ndaj gjigantëve holandezë të PSV, duke goditur saktë brenda zonës me një gjakftohtësi mbresëlënëse, duke ditur moshën e tij tëre.
Ky ishte realizimi i tetë i shqiptarit të huazuar nga Chelsea në kampionatin holandez, një bilanc shumë pozitiv, duke parë edhe disa probleme të tij shëndetësore gjatë sezonit.
Fatkeqësisht, performanca e tij nuk shmangu disfatën për ekipin, i cili u barazua dhe u përmbys në minutat e fundit nga një yll që dukej disi i venitur si Mario Goetze, gjermani që i dhuroi vendit e tij kupën e Botës në Brazil, me golin e vetëm të finales. (A2 Televizion)
A2 CNN Livestream
MUND TE LEXONI GJITHASHTU
