14 persona kanë humbur jetën, kur një kabinë e teleferikut që lidh zonën e Stresame Mottarone, në veri të Italisë, është shkëputur në pikën më të lartë të saj në orën e drekës.
Paraprakisht autoritetet dyshojnë se kavoja që mban të lidhur teleferikun është shkëputur, në nivelin e 1491 metrave megjithatë hetimet për këtë ngjarje të rëndë tashmë kanë nisur.
Menjëherë në vendngjarje mbërritën zjarrfikëset dhe forcat e shpëtimit malor. Ndërsa një helikopter transportoi 2 fëmijët, 5 dhe 9 vjeç drejt spitalit të Torinos me trauma të forta dhe fraktura të rënda.
Kavo ja që mbante teleferiku është shkëputur vetëm 300 metra larg pikës së mbërritjes ndërsa e gjithë shëtitja me teleferik, në një nga zonat popullore për turistët në çdo sezon, zgjat 20 minuta.
Ndërhyrja ka qenë e pamundur për disa minuta pasi ka rënë në një zonë shumë të pyllëzuar. Teleferiku që lidh Stresan me Mottaronen është rihapur pas karantinës, më 24 prill. (A2 Televizion)
A2 CNN Livestream
MUND TE LEXONI GJITHASHTU
