Instituti Kombëtar i Shëndetit Publik në Kosovë bën me dije se dy raste të reja me koronavirus janë regjistruar në vend duke e çuar në 15 numri total.
Sipas IKSHP, dy të prekurit e rinj janë një çift të fejuarish që sapo ishin kthyer nga Londra.
“Dy rastet janë dy të fejuar të ardhur nga Londra sot me datë 16.03.2020 me fluturim direkt Londër -Prishtinë. Të dytë kanë qëndruar në Londër nga data 04 mars dhe janë detektuar nga shërbimet shëndetësore të aeroportit ndërkombëtar “Adem Jashari”. Të dy të moshës 26 vjeçare” thuhet në njoftimin e Institutit Kombëtar të Shëndetit Publik.
Në Kosovë, rastet e para me koronavirusin e ri u shënuan më 13 mars, dy ditë më vonë për shkak të shtimit të rasteve qeveria vendosi që të shpallë gjendje të emergjencës publike. (A2 Televizion)
A2 CNN Livestream
MUND TE LEXONI GJITHASHTU
