Të paktën 6 viktima dhe 53 të plagosur ka shkaktuar shpërthimi në një zonë të populluar në qendër të Stambollit. Lajmin e ka bërë të ditur guvernatori i qytetit turk.
Ali Yerlikaya theksoi se shpërthimi ka ndodhur në orën 16:20 me orën lokale, në zonën e sheshit Taksim.
Ende nuk dihet se çfarë e shkaktoi shpërthimin.
"Fatkeqësisht, në shpërthimin që ndodhi sot në rrugën Istiklal, numri i të vdekurve është rritur në 6 dhe numri i të plagosurve në 53. I urojmë mëshirën e Zotit për ata që humbën jetën dhe shërim të shpejtë të lënduarve. Zhvillimet do te ndahen me publikun", shkroi guvernatori në Twitter. (A2 Televizion)
A2 CNN Livestream
MUND TE LEXONI GJITHASHTU
