Shqipëria ka miratuar marrëveshjen me Kroacinë në fushën e Sigurime Shoqërore. Ministria e Financave dhe Ekonomisë njofton se kjo marrëveshje do të hyjë në fuqi, sapo të miratohet nga parlamentet e të dyja vendeve dhe pritet të përfitojnë rreth 3 mijë shtetas shqiptarë.
“Finalizohet me sukses në Kroaci Marrëveshja Kuadër dhe ajo Administrative mes dy vendeve tona, në fushën e Sigurimeve Shoqërore. Rreth 3 mijë shtetas shqiptarë do të përfitojnë nga kjo marrëveshje, e cila do të hyjë në fuqi pasi të ratifikohet nga Parlamentet respektive. Delegacioni Shqiptar u kryesua nga Zëvendministrja e Financave dhe Ekonomisë znj. Olta Manjani, ndërsa delegacioni kroat u kryesua nga Znj. Melita Čičak, Drejtor i Sistemit të Pensioneve. Mbetemi të angazhuar për të mbrojtur të drejtat e qytetarëve shqiptarë, me qëllim që puna e tyre të njihet dhe të garantohet me ligj”, njofton Ministria e Ekonomisë dhe Financave.
Ndërkohë në korrik të këtij viti, Shqipëria dhe Italia kanë dakordësuar marrëveshjen teknike për njohjen e pensioneve mes dy vendeve, ndërsa në shtator nisi negociatat me Greqinë për njohjen e pensioneve. (A2 Televizion)
A2 CNN Livestream
MUND TE LEXONI GJITHASHTU
