Si çdo 28 nëntor, Vlora kthehet në kryeqytetin e shqiptarisë, ku krerë të shtetit shqiptar dhe të Kosovës nderojnë aktin e shpalljes së pavarësisë së vendit nga plaku i urtë Ismail Qemali. Pas ngritjes së flamurit, Presidenti i Republikës Bajram Begaj, Presidentja e Kosovës Vjosa Osmani dhe Kryeministri Edi Rama vendosën kurora në varrin e kryeministrit të parë të vendit, Ismail Qemalit.
Ceremonitë zyrtare ngritën siparin e një sërë aktivitetesh festive në rrugët dhe sheshet e Vlorës. Të shumtë janë edhe vizitorët nga Kosova dhe shqiptarët që kanë emigruar në vendet e Bashkimit Europian.
Kësaj dite nuk mund t’i mungonte me vargjet dhe ison e tij as mjeshtri i polifonisë së jugut, mallakastrioti Guri Rrokaj.
Aktivitetet e parashikuara nga pushteti lokal në Vlorë në Ditën e Pavarësisë do të vijojnë deri në orët e mbrëmjes. (A2 Televizion)
A2 CNN Livestream
MUND TE LEXONI GJITHASHTU
