Një akt kriminal dhe shkelje të së drejtës legjitime për tubim paqësor e ka cilësuar ministri i Drejtësisë Besfort Lamallari, protestën e djeshme të opozitës. Në një video të postuar në rrjetet sociale ku shihen punonjësit e policisë së plagosur të cilët dërgohen për trajtim në spitalin e Trauimës, Lammallari shpreh solidaritetin ndaj tyre.
“Mirënjohje për punonjësit e Policisë së Shtetit, të cilët për fat të keq, krahas mundimit të përditshëm për të ofruar më shumë siguri për qytetarët, u duhet të përballen me vetëpërmbajtje duke rrezikuar dhe jetën nga akte të tilla kriminale, të cilat janë një shkelje flagrante dhe e dënueshme e të drejtës legjitime për tubim paqësor!
Solidaritet me familjarët e punonjësve të lënduar dhe të gjithë ata të cilët kanë ndjekur me ankth përmes medias se si prindërit, bijtë, bashkëshortët dhe vëllezërit e tyre rrezikuan jetën nga një sulm i nxitur dhe organizuar kriminal”, shkruan ministri krahas videos.
Ministri bën të ditur se në protestën e opozitës para kryeministrisë mbetën të plagosur 19 efektivë policie, nga të cilët 10 morën trajtim te Trauma, ndërsa 9 të tjerë te spitali Nënë Tereza. (A2 Televizion)
A2 CNN Livestream
MUND TE LEXONI GJITHASHTU
