Një godinë e ndërtuar me gurë dhe baltë dekada më parë është streha e çiftit të moshuarve Halim dhe Shpresa Fetahu në fshatin Ngjeqar të Roskovecit. Së bashku me ta jeton edhe djali i tyre i sëmurë.
Prej kohësh, kjo familje me të ardhura minimale, vetëm nga pensionet, jeton me frikën se banesa mund t’i zërë brenda. Para disa kohësh, një pjesë e murit të banesës u shemb papritur, ndërsa kryefamiljari u përpoq ta riparonte vetë, me mundësitë që kishte.
Megjithatë, banesa vijon të jetë në rrezik shembjeje dhe çatia nuk është e sigurt.
“Të ardhurat tona janë vetëm pensionet. Banesa është shumë e vjetër dhe kemi frikë se mund të shembet çdo moment.”
Të kontaktuar nga A2 CNN, zyrtarë të Bashkisë Roskovec kanë konfirmuar se është ngritur një grup pune për verifikimin e qëndrueshmërisë së banesës dhe për nisjen e procedurave për riparimin e saj. (A2 Televizion)
A2 CNN Livestream
MUND TE LEXONI GJITHASHTU
