Autoriteti Rrugor Shqiptar njofton që do të ketë bllokim të përkohshëm të qarkullimit në aksin Librazhd-Korçë, për shkak të punimeve që do të kryhen në fshatin Dragostunjë.
Bllokimi pritet të zgjasë nga dita e sotme deri në datën 5 shkurt, nga ora 22:00 deri më 05:00.
Bëhet me dije se gjatë këtij intervali kohor aksi do të jetë i pakalueshëm për mjetet, veçanërisht për mjetet e tonazhit të rëndë.
“Drejtuesit e mjeteve për mjetet e vogla mund të përdorin rrugën alternative ‘Maliq-Lozhan-Moglicë-Gramsh’, në drejtim të Tiranës dhe anasjelltas. Shërbimet e Policisë dhe kontraktorët e rrugës do të jenë të pranishme në terren, për menaxhimin e situatës, garantimin e rendit dhe të sigurisë rrugore”, thuhet në njoftim, raporton A2CNN.
Pikat e kalimit kufitar janë njoftuar për informimin e drejtuesve të këtyre mjeteve, për bllokimin e përkohshëm të qarkullimit.
Gjatë kohës së bllokimit të lëvizjes do të lejohen të qarkullojnë vetëm autoambulancat, mjetet zjarrfikëse dhe ato të Policisë. (A2 Televizion)
A2 CNN Livestream
MUND TE LEXONI GJITHASHTU
