Deputeti i Partisë Demokratike, Luan Baçi, ka kërkuar që të shpallet gjendja e fatkeqësisë natyrore për shkak të dëmeve kolosale të shkaktuara nga përmbytjet në qarkun Fier.
Komentet Baçi i bëri në një prononcim për mediat, teksa monitoroi nga afër situatën e dëmeve në fshatin Mbrostar të Fierit.
“Kryeministri heziton të shpallë gjendjen e fatkeqësisë natyrore, pasi do t’i përdorë paratë e qytetarëve për tendera e konçensione”, ka thënë mes të tjerash Baçi.
Baçi ka denoncuar gjithashtu verifikimet selektive që sipas tij janë bërë në banesat e zonave të përmbytura, shkruan A2 CNN.
Kujtojmë se qarku i Fierit ka qenë ndër më të prekurit nga përmbytjet, pasi një pjesë e fshatrave të tij janë përmbytur nga ujërat e lumenjve Vjosa dhe Seman, pas daljes së tyre nga shtrati. (A2 Televizion)
A2 CNN Livestream
MUND TE LEXONI GJITHASHTU
