1 Qershori është Dita Ndërkombëtare e Fëmijëve, një datë që festohet çdo vit në shumë vende të botës për të promovuar të drejtat, mirëqenien dhe lumturinë e fëmijëve. Kjo ditë nuk është vetëm një moment gëzimi me aktivitete dhe lojëra për të vegjlit, por ka edhe një mesazh të fuqishëm për të rriturit: të kujtojnë dhe mbrojnë të drejtat e fëmijëve në çdo cep të shoqërisë.
Origjina e kësaj feste i përket vitit 1925, kur në Gjenevë u mbajt Konferenca Botërore për Mirëqenien e Fëmijëve. Në të njëjtin vit, Kina organizoi një festival për fëmijët jetimë më 1 Qershor, dhe më pas kjo datë u përqafua nga shumë vende si Dita Ndërkombëtare e Fëmijëve. Gjatë periudhës së Luftës së Dytë Botërore dhe sidomos pas saj, nevoja për të mbrojtur fëmijët nga pasojat e luftës dhe varfërisë u bë edhe më e madhe.
Në vitin 1950, vendet e bllokut lindor, përfshirë Shqipërinë, e zyrtarizuan 1 Qershorin si festën për fëmijët, një traditë që vazhdon edhe sot.
1 Qershori nuk është thjesht një festë me tullumbace dhe këngë. Është një thirrje ndërkombëtare për të garantuar që çdo fëmijë të rritet në paqe, të ketë qasje në arsim, kujdes shëndetësor, ushqim të mjaftueshëm dhe dashuri. Në shumë vende, përfshirë Shqipërinë, kjo ditë shfrytëzohet nga institucionet dhe organizatat për të ngritur zërin për fëmijët në nevojë apo ata që vuajnë nga dhuna, varfëria ose diskriminimi. (A2 Televizion)
A2 CNN Livestream
MUND TE LEXONI GJITHASHTU
