Pronarë të lokaleve dhe restoranteve përgjatë pedonales së Korçës, kanë kërkuar shtyrje të afatit të lirimit të hapësirave publike që kanë zënë me lejen e Bashkisë.
Ata shprehen se kërkesa e bashkisë për të liruar brenda pak ditësh hapësirat po i dëmton ekonomikisht pasi ndodhemi në pikun e sezonit dhe kanë prenotime nga turistë të shumtë.
Nga ana tjetër kryebashkiaku prej vitesh në Korçë, Sotiraq Filo në mënyrë paradoksale e pranon që kanë lejuar ngritjen e strukturave të lokaleve në pedonale përkundër vizionit dhe dëshirës së tij.
Por deklaron se pronat e biznese janë vënë në dijeni se bashkia ka patur një projekt, i cili është vendosur të zbatohet pikërisht tani.
Në fakt një qytetar e ka të vështirë të kuptojë se kush ka të drejtë në këtë situatë, ku prej vitesh ka patur një paligjshmëri kolektive, si nga biznesi ashtu edhe nga institucionet që e kanë lejuar me shkresa zyrtare. (A2 Televizion)
A2 CNN Livestream
MUND TE LEXONI GJITHASHTU
