Pas rastit të fundit me meningit të paraqitur në spitalin e Durrësit dhe më pas shtrimit në QSUT, ka reaguar Njësia Vendore e Kujdesit Shëndetësor në Durrës, duke dhënë detaje mbi situatën. Sipas saj, nga të dhënat e fundit, mësohet se nuk është paraqitur asnjë rast i dyshuar me meningit gjatë urgjencave pediatrike dhe të të rriturve në Durrës, shkruan A2 CNN.
“Saktësisht sot datë 14.02.2025 nga informacionet e marra nga Urgjenca pediatrike dhe Urgjenca e të rriturve ne SRD kemi këto të dhëna: Urgjenca Pediatrike 128 vizita dhe ASNJË rast meningit, Urgjenca e të rriturve 228 vizita nga këto 66 status febril dhe ASNJE rast meningit”.
Sipas njësisë vendore pas rastit të dyshuar të nxënësit të shkollës “Kushtrimi i Lirisë”, njësia nisi hetimin epidemiologjik, duke dërguar ne SRD stafin, marrjen e kontakteve me familjaret dhe detajet për marrjen e masave.
“Rasti suspect ishte nxënës i shkollës “Kushtrimi i Lirisë”, menaxhuar në kohë nga ana e SRD, dhe dërguar po në kohë në QSUT, aktualisht nën mbikëqyrjen e mjekëve. Pas konfirmimit të rastit nga ana e QSUT, NJVKSh Durrës filloi hetimin epidemiologjik, duke dërguar në SRD stafin për fillimin e hetimit, marrjen e kontakteve me familjaret dhe detajet e nevojshme si element të nevojshëm për marrjen e masave. Në mënyrë urgjente ju këshillua Profilaksia (nxënës, familjar, mësues, staf shëndetësor). Gjithashtu stafi i Epidemiologjisë është paraqitur në ambientet e shkollës, për vazhdimin e hetimit, komunikim i vazhdueshëm me strukturat e arsimore”, thuhet në njoftim, raporton A2 CNN.
Njësia informon se nuk jemi në situatë paniku meningjitin, ndërsa thekson se vijon puna për informimin e prindërve dhe nxënësve mbi simptomat e sëmundjes.
“Në shkolla të qytetit vazhdohet me takime informuese ne lidhje me informimin e stafeve, prindërve dhe nxënëseve ne lidhje me shenjat identifikuese, takime të cilat do te bëjnë dhe një informim të drejte rreth situatës, si dhe dhënien e informacionit se nuk jemi në kushtet për të patur një situatë paniku në shkollat e qytetit të Durrësit. Riktheksoj faktin se flasim vetëm për një rast të konfirmuar, pavarësisht situatës që parashtrohet në media. Një rast i patur disa kohë më parë dhe në këtë situate aktuale është ndjekur me të njëjtin mënyrë dhe hapat e investigimit dhe masat për mbrojtjen e shëndetit të popullatës, i dhe kemi komunikuar me email zyrtar dhe me ZVA Durrës që jemi vetëm në këto kushte dhe nuk jemi në situatë tjetër për të shtuar asnjë element paniku”. (A2 Televizion)
A2 CNN Livestream
MUND TE LEXONI GJITHASHTU
