Opozita pret me protesta Ramën në Londër, masa të larta sigurie

Nga A2 CNN
24 Nëntor 2024, 11:54 | Aktualitet

Opozita pret me protesta Ramën në Londër, masa të larta

Një orë para takimit të kryeministrit Edi Rama me shqiptarët e diasporës në Londër, përfaqësuesit e opozitës kanë thirrur një protestë para sallës Copper Box. Nga pamjet që gazetarja e A2 CNN ka sjellë në redaksi vihet re një prani e madhe e forcave të policisë në Londër. Ndërsa në një lidhje me A2 CNN kreu i PD-së dega Londër, Shkëlzen Rustemaj foli për masa të larta sigurie.

Opozita pret me protesta Ramën në Londër, masa të larta

“Ardhja e kryeministrit është pritur me protesta. Mbaruan votat nga Shqipëria, tani hambari i votave është diaspora. Të gjithë janë të dislokuar këtu. E gjithë qeveria dhe PS është në Londër. Një fushatë jashtëzakonisht e madhe. Ky takim është organizuar nga muaji korrik, është anuluar dy-tre herë dhe arsyeja ka qenë pajisja me viza e të gjithë administratës. Nuk e kuptoj çfarë kërkojnë nga diaspora? Polici e madhe”, u shpreh për A2 CNN, kreu i PD-së dega Londër, Shkëlzen Rustemaj.

Opozita pret me protesta Ramën në Londër, masa të larta

Ai e konsideron përndjekje dhe intimidim takimin e Ramës me shqiptarët e Londrës, pasi sipas tij ai i përzuri nga vendi i tyre.

“Ai i përzuri të gjithë këta shqiptarë dhe tani i përndjek dhe i intimidon edhe këtu”.

I pyetur për takimin e PD-së në Londër disa ditë më parë ai u përgjigj: “PD ka pasur takim, është në të drejtën e saj, ka qenë takim modest i PD, nuk kanë qenë qeveritarë. PD në Londër është shumë e organizuar. Është krijuar që nga viti 2017 dhe i ka të gjitha të strukturuara”.

Opozita pret me protesta Ramën në Londër, masa të larta

Pas Milanos dhe Selanikut kryeministri shqiptar Edi Rama ndodhet sot në Londër ku do të zhvillojë takimin e katërt me shqiptarët e diasporës. (A2 Televizion)

A2 CNN Livestream

Latest Videos