Projekti i Transformimit të integruar të Durrësit duket se ka ngjallur reagimin e banorëve të zonës historike përreth Amfiteatrit. Ata shprehen se projekti është i paqartë dhe se vlerat e shpronësimit të banesave të tyre janë përllogaritur 2 deri 3 herë më ulët se sa vlera reale.
Banorët e qendrës historike të Durrësit, përreth amfiteatrit antik tashmë janë të pasigurt për banesat e tyre, që shprehen se i kanë të trashëguar nga të afërmit e tyre për shkak të një projekti që parashikon transformimin e zonës. Por ajo që i shqetëson më shumë është fakti që qeveria ka vendosur ti shpronësojë me një vlerë thuajse tre herë më të vogël sesa vlera e tregut. Të paqartë mbi projektin dhe çfarë parashikon ai dhe të frikësuar që me vlerën e shpronësimeve nuk mund të blejnë dot asnjë banesë tjetër, ata kanë dalë në protestë për të tërhequr vëmendjen e institucioneve.
Projekti TID Transformimi i Integruar i Durrësit, synon të ndryshojë qendrën historike të qytetit përmes krijimit të një parku arkeologjik, restaurimit të monumenteve dhe hapësirave publike, duke e kthyer zonën në një atraksion të ri turistik dhe kulturor. Por me sa duket do të hasë në kundërshtime të banorëve të zonës.
(A2 Televizion)
A2 CNN Livestream
MUND TE LEXONI GJITHASHTU
