Besimtarët katolikë në Shkodër kanë ndjekur rrugëtimin e “Udhës e Kryqit” që simbolizon vuajtjet e Jezus Krishtit para ringjalljës së tij . Ky rit fetar është zhvilluar nga fshati i Paqes përgjatë malit të Taraboshit.
Arqipeshkvi i Shkodrës u shpreh se ky ritual në kohën e kreshmës sjell bashkimin mes besimtarëve.
Famullitari i famullisë “Zoja e Shkodrës” dom Vlash Palaj tha se Shqipëria përballet ende me mentalitetin e të fortëve famëkeq, të pasurve dhe njerëzve të pushtetshëm.
Ai tha se emigrimi masiv është një plagë sociale që nuk po gjen zgjidhje.
Besimtarët tregojnë se Udha e Kryqit është një moment shprese dhe lutje për familjet e të afërmit e tyre. Me lutje dhe këngë fetare besimtarët katolik përkujtuan mundimet e Jezusit në 14 ndalesat e Udhës së Kryqit në malin e Taraboshit në Shkodër.
Ky ritual kremtohet që prej vitit 1998 para festës së Pashkës e cila shënon ngjalljen Jezusit dhe fitoren e jetës mbi vdekjen. (A2 Televizion)
A2 CNN Livestream
MUND TE LEXONI GJITHASHTU
