Me taka të larta apo me këpucë me majë, veshur me fustan apo kostum, gjinia po ka përherë e më pak rëndësi në sipërmarrje. E njëjta po vlen edhe në Shqipëri.
Ina Nanaj është njëra nga rreth 40 mijë gratë që sot kanë në dorë “timonin” e një biznesi. Megjithatë, me gjithë përmirësimin e klimës për të bërë biznes nga gratë, ka ende sfida për t’u kaluar, veçanërisht në nisje.
Ina Nanaj, sipërmarrëse shprehet: “Vështirësia e nisjes së biznesit është e madhe për të gjithë. Te gratë më pas shumëfishohet për shkak të pozicionit të gruas në shoqëri.”
Sipas Bankës Botërore, në raportin për Gratë, Biznesin dhe Ligjin 2026, që e rendit Shqipërinë në vendin e 38 në listën me 190 shtete, gratë sipërmarrëse në vend përballen veçanërisht me sfidat e prindërimit dhe pensioneve.
“Prindërimi e pengon sepse në familje gruaja ka një peshë shumë të rëndësishme. Ajo duhet gjithashtu të garantojë edukimin e familjes dhe kjo pengon shpesh në aktivitetin e tyre sipërmarrës”, shton Nanaj.
Raporti vlerëson gjithashtu se burokracitë në vend shpesh pengojnë iniciativat e grave në rrugën drejt biznesit.
“Vazhdojnë burokracitë, është e vërtetë. Të qenit një sipërmarrëse grua, për shkak të konceptit dhe mentalitetit që ne hasim shpesh, krijon pengesa”, thotë sipërmarrësja.
Sipas një studimi nga revista Forbes, gratë sipërmarrëse vuajnë përgjithësisht nga financimi i kufizuar, pabarazia gjinore, mungesa e mbështetjes apo njohuritë e pamjaftueshme. (A2 Televizion)
A2 CNN Livestream
MUND TE LEXONI GJITHASHTU
